নবগ্রহ স্তোত্র
Navagraha Stotram in Bengali
সূর্য দেব
Source: sanskritdocuments.org
জপাকুসুমসঙ্কাশং কাশ্যপেয়ং মহাদ্যুতিম্।
তমোঽরিং সর্বপাপঘ্নং প্রণতোঽস্মি দিবাকরম্॥
দধিশঙ্খতুষারাভং ক্ষীরোদার্ণবসম্ভবম্।
নমামি শশিনং সোমং শম্ভোর্মুকুটভূষণম্॥
ধরণীগর্ভসম্ভূতং বিদ্যুৎকান্তিসমপ্রভম্।
কুমারং শক্তিহস্তং তং মঙ্গলং প্রণমাম্যহম্॥
প্রিয়ঙ্গুকলিকাশ্যামং রূপেণাপ্রতিমং বুধম্।
সৌম্যং সৌম্যগুণোপেতং তং বুধং প্রণমাম্যহম্॥
দেবানাং চ ঋষীণাং চ গুরুং কাঞ্চনসন্নিভম্।
বুদ্ধিভূতং ত্রিলোকেশং তং নমামি বৃহস্পতিম্॥
হিমকুন্দমৃণালাভং দৈত্যানাং পরমং গুরুম্।
সর্বশাস্ত্রপ্রবক্তারং ভার্গবং প্রণমাম্যহম্॥
নীলাঞ্জনসমাভাসং রবিপুত্রং যমাগ্রজম্।
ছায়ামার্তণ্ডসম্ভূতং তং নমামি শনৈশ্চরম্॥
অর্ধকায়ং মহাবীর্যং চন্দ্রাদিত্যবিমর্দনম্।
সিংহিকাগর্ভসম্ভূতং তং রাহুং প্রণমাম্যহম্॥
পলাশপুষ্পসঙ্কাশং তারকাগ্রহমস্তকম্।
রৌদ্রং রৌদ্রাত্মকং ঘোরং তং কেতুং প্রণমাম্যহম্॥
ইতি ব্যাসমুখোদ্গীতং যঃ পঠেৎ সুসমাহিতঃ।
দিবা বা যদি বা রাত্রৌ বিঘ্নশান্তির্ভবিষ্যতি॥
নরনারীনৃপাণাং চ ভবেদ্দুঃস্বপ্ননাশনম্।
ঐশ্বর্যমতুলং তেষাং আরোগ্যং পুষ্টিবর্ধনম্॥